राजपुर, दाङ देउखुरी ।
असार १५ अर्थात् राष्ट्रिय धान दिवसको अवसरमा राजपुर–२ मटेरीया स्थित फेमिली प्याराडाईज इङ्गलिस बोर्डिङ स्कुलका विद्यार्थीहरूले खेतमा उत्रिएर धान रोप्दै परम्परागत कृषिप्रति सम्मान प्रकट गरेका छन्।
विद्यालयका अतिरिक्त क्रियाकलाप संयोजक मधुमालती खड्काको पहलमा आयोजना गरिएको यो कार्यक्रममा विद्यार्थीहरू स्कुल युनिफर्ममै रोपाइँमा सहभागी भए। बच्चाहरूले माटो छामे, रोपाइँको अभ्यास गरे र आफ्नै संस्कृतिप्रतिको गर्व महसुस गरे।
नेपालमा असार १५ लाई कृषिजन्य उत्सवको रूपमा मनाउने गरिन्छ, किनभने यही समय वर्षाको पर्याप्त मात्रा हुने र धान रोपाइँका लागि उपयुक्त हुने मानिन्छ। यस्तो पर्वले बालबालिकालाई माटो, मेहनत र कृषिसँग जोड्न सघाउने विश्वास विद्यालयका व्यवस्थापन समितिका अध्यक्ष देवा खनालले व्यक्त गरिन ।
विद्यालय व्यवस्थापनले हरेक वर्ष यस्तो कार्यक्रमलाई निरन्तरता दिदै आईरहेको र आगामी वर्षमा पनि निरन्तरता दिने प्रतिबद्धता अध्यक्ष खनालले गरिन ।
