राजपुर (दाङ)। गाउँपालिका, दाङले पालिकाअन्तर्गतका सम्पूर्ण सामुदायिक विद्यालयहरूलाई शिक्षा नियमावली बमोजिम प्रधानाध्यापक (प्र.अ.) सम्बन्धी व्यवस्था कार्यान्वयन भए/नभएको विवरण ३ दिनभित्र पेस गर्न पत्राचार गरेको छ।
गाउँपालिकाको कार्यालय (गङ्गदी, दाङ) द्वारा जारी परिपत्रअनुसार शिक्षा तथा खेलकुद मन्त्रालय, शिक्षा विभाग (सानोठिमी, भक्तपुर) को च.नं. २४२ (मिति २०८३/०६/१३) र शिक्षा विकास तथा समन्वय एकाइ (घोराही, दाङ) को च.नं. ३७५ (मिति २०८३/०६/१३) को प्राप्त पत्रका आधारमा यो निर्देशन दिइएको हो।
गाउँपालिकाका प्रमुख प्रशासकीय अधिकृत शोभाराम रिजालद्वारा हस्ताक्षरित असोज १४ गतेको (प.सं. २०८३/०८४, च.नं. ३८५) परिपत्रमा शिक्षा नियमावली, २०५९ (संशोधनसहित) को परिच्छेद-१७, नियम ९३ बमोजिमको प्र.अ. सम्बन्धी व्यवस्था कार्यान्वयन गरे/नगरेको जानकारी गराउन भनिएको छ। नियमावली अनुसार कार्यान्वयन नभएको भए सोको कारणसमेत खुलाई पत्र प्राप्त मितिले तीन दिनभित्र गाउँपालिकाको कार्यालयमा लिखित जवाफ पेस गर्न मातहतका सामुदायिक विद्यालयहरूलाई सूचित गरिएको छ।
