दाङ देउखुरी/राजपुर ,मंसिर -११ । राजपुर -२,मटेरिया स्थित जनज्योति माध्यमिक विद्यालयको ६३ औं वार्षिक उत्सव बुधबार सम्पन्न भएको छ ।
विद्यालय व्यवस्थापन समितिका अध्यक्ष अमरराज गिरीको अध्यक्षता तथा राजपुर गाउँपालिका अध्यक्ष शरद कुमार बुढाथोकीको प्रमुख आतिथ्यतामा कार्यक्रम सम्पन्न भएको हो।
कार्यक्रममा विद्यालयका प्रधानाध्यापक केशवराम यादवले वार्षिक प्रतिवेदन सार्वजनिक गरेका थिए ।
यसैबिच कार्यक्रममा विद्यालयको शैक्षिक सुधारका लागि विभिन्न व्यक्तिहरुबाट स्थापना गरिएको अक्षयकोष का संरक्षकहरुलाई सम्मान गरिएको थियो भने विद्यालयमा प्रथम हुने विद्यार्थीलाई पुरस्कृत गरिएको थियो ।
विद्यालयका शिक्षक मीन बहादुर चौधरीको स्वागत मन्तव्यबाट सुरु भइ विद्यालय शिक्षक पुजा पौडेलले संचालन गरेको कार्यक्रममा सहभागी विशिष्ट अतिथी , अतिथि सबैले विद्यालयको समग्र प्रगतीको निम्ति आवाज उठाएका थिए भने कार्यक्रममा विद्यार्थीद्वारा विभिन्न नृत्यहरु समेत प्रस्तुत गरिएको थियो ।
