असोज-१४, दाङ । हिन्दुहरुको महान पर्व बिजया दशमी (दशैं)- २०८२ यही असोज १६ गते छ, तर किसान भने खेतबारीको चटारोमा देखिन्छन । खेतमा धान पाक्दैछ त कतै थ्रेसर चलाएर बाटोको छेउमै दाइँ हुँदैछ।
चाडपर्व नजिकिँदै गर्दा मौसमको अनिश्चितता,वर्षा असिनापातको डर, र खेतमा ट्र्याक्टर नपुग्ने बाध्यताले किसानहरू हतारिएका छन्।
फलानाले रोपिसके, अब हामी पनि रोपौं, नत्र ट्र्याक्टर जान सक्दैन” भन्ने मानसिकताले निकै अघि धान रोप्न बाध्य भएका किसानको धान एकैपटक पाक्न थाल्दछ, काट्ने समयमा मौषमले चुनौती दिन थाल्दछ।
यस्तो अवस्था केही वर्ष यतादेखी दोहोरिइरहेको किसानको गुनासो छ। यद्यपि, उनीहरू भन्छन् “हाम्रो महान चाड नै दशैं हो। खेतको धान स्याहार्न सकियो भने मात्र चाड पर्व मनाउन आनन्द आउँछ।” तर धान काटने समयमा मौषममा देखा पर्ने खतराको संकेतले किसानको मन सधैं सानो बनाएको हुन्छ ।
स्थानीय तह र कृषि निकायले यस्ता समस्या समाधान गर्न मौषमअनुकूल योजना ल्याउनु पर्ने माग पनि किसानहरूले गरिरहेको पाइन्छ।
