काठमाडौँ । राष्ट्रिय प्रजातान्त्र पार्टी (राप्रपा) अध्यक्ष राजेन्द्र लिङ्देन लगायत पार्टीका नेता कार्यकर्ताद्वारा पृथ्वी नारायण शाहको सालिकमा माल्यार्पण गरिएको छ ।
३०३ औँ पृथ्वी जयन्ती तथा राष्ट्रिय एकता दिवस अवसरमा सिंहदरबारको मूलगेट अगाडि रहेको पृथ्वीनारायण शाहको सालिकमा माल्यार्पण गरिएको हो । प्रमुख प्रशासनिक भवन सिंहदरबारको पश्चिम मूलगेटमास्थित पृथ्वीनारायण शाहको सालिक आज विभिन्न व्यक्तिहरुले माल्यार्पण गरिएको छ।
त्यस्तै यसअघि आज बिहान राष्ट्रपति रामचन्द्र पौडेलले पनि यस सालिकमा माल्यार्पण गरेका थिए । राप्रपाले आज पृथ्वी जयन्ती तथा राष्ट्रिय एकता दिवसको अवसरमा पारेर भृकुटीमण्डपमा चियापान कार्यक्रमको पनि आयोजना गरिएको हो ।
