दाङ । दाङको देउखुरीमा मोटरसाइकल दुर्घटना हुँदा दुई जना युवाहरुको मृत्यु भएको छ ।
दुर्घटनामा परि मृत्यु हुनेमा घोराही उपमहानगरपालिका वडा नम्बर १८ नवलपुर बस्ने २७ वर्षीय श्रबण पुन र घोराही-४ को २१ वर्षीय विनोद केसीको घटन स्थल मै मृत्यु भएको प्रहरीले जनाएको छ ।
त्यस्तै शवलाई लमही अस्पतालमा पोस्टमार्टम गरि आफन्तलाई जिम्मा लगाइएको ट्राफिक प्रहरी कार्यालय लमहीका इन्चार्ज प्रहरी सहायक निरीक्षक टेकबहादुर कुसारीले जानकारी दिए । रा ८ प २९४० नम्बरको बुलेट बाइक लमही नगरपालिका ६ कुसुम गैरा भन्ने ठाउँमा दुर्घटनामा परेको अवस्थामा बिहान सवा ६ बजे तिर फेला पारिएको सहायक निरीक्षक कुसारीले जानकारी दिए ।
यस्तै दुर्घटनाको कारण भने हालसम्म खुल्न सकेको छैन । उनीहरुको साथमा रहेको लाइसेन्सका आधारमा पहिचान भएको प्रहरीले जानकारी दिएको छ ।
