नेसनल प्याब्सन दाङ जिल्लाको तदर्थ समितीको अध्यक्ष पदमा रही नेसनल प्याब्सन दाङ जिल्लाका गतिविधिलाई चलायमान गर्नको लागि नेसनल प्याब्सन केन्द्रीय समितीले दाङ जिल्लाका नेसनल प्याब्सन पुर्व सचिव शालिकराम कार्कीलाई जिम्मेवारी दिइएको पाइएको छ ।
पर्सा जिलाको विरगन्जमा आयोजित नेसनल प्याब्सनको आठौं महाधिवेशनमा कार्कीले दाङ जिल्लाबाट सचिव पदको प्रतिनिधित्व गर्दै कुसल कार्यको जिम्मेवारी निर्वाह गरेको ठहर गर्दै उक्त जिम्मेवारी दिइएको पाइएको छ ।
नेसनल प्याब्सन केन्द्रीय अध्यक्ष गीता क्षेत्री राणाद्वारा हस्ताक्षरित २०८२ साल असार ९ गतेको पत्रानुसार कार्कीले नेसनल प्याब्सन दाङ जिल्लाको तदर्थ समितीको अध्यक्ष पदमा रही अब काम अगाडि बढाउने भएका छन् ।
आँफुले जिल्लाको नेतृत्व पाएकोमा खुशी हुँदै कार्कीले अब जिल्लाका सबै साथीभाईहरुसङ्ग हातेमालो गर्दै नेसनल प्याब्सन दाङका साङ्गठनिक गतिविधिलाई अगाडि बढाउने कुरा जलबराह मिडिया डटकमलाई जनाएका छन् ।
