श्रवण कुमार यादव, दाङ राजपुर। देउखुरीमा सर्पले डस्दा श्रावण १२ गतेका दिन एकजना शिक्षककाे मृत्यु भएको छ । मृत्युु हुनेमा राजपुर गाउँपालिका वडा नम्बर ३ खरदरिया निवासी ५५ वर्षिय शालिक राम यादव रहेको इलाका प्रहरी कार्यालय गढवाले जनाएको छ ।
यादवलाई साेमबार बिहानै करिब ५ बजे घरभित्रै योग गर्दै गरेकाे अवस्थामा विषालु सर्पले डसेकाे पारिवारिक स्रोतले जानकारी दिएको छ ।
कोब्रा सर्प डसेपछि लगत्तै उनलाई तत्काल गढवा स्थित सर्प दंश उपचार केन्द्रमा पुर्याइएकाे थियो । गढवामा उपचार सम्भव नभएपछि थप उपचारका लागि राप्ती स्वास्थ्य विज्ञान प्रतिष्ठान घोराही रिफर गरिएको थियो ।
उपचारको क्रममा राप्ती स्वास्थ्य विज्ञान प्रतिष्ठानमा यादवको मृत्यु भएको हो । मृतक यादव राजपुर गाउँपालिका-३, खरदरिया स्थित शंकर माध्यामिक विद्यालयको पूर्व प्रधानाध्यापक हाल कार्यरत शिक्षक रहेका थिए ।
