काठमाण्डाै । दशैँका लागि सार्वजनिक गाडीको अग्रिम टिकट बुकिङ यही असोज १२ गते शनिवार देखि खुल्ने भएको छ । यातायात व्यवस्था विभागका महानिर्देशक राजीव पोखरेलको नेतृत्वमा बसेको आजकाे बैठकले अग्रिम टिकट बुकिङकाे मिति तय गरेको नेपाल राष्ट्रिय यातायात व्यवसायी महासङ्घका वरिष्ठ उपाध्यक्ष सरोज सिटौलाले जानकारी दिए । दशैँका लागि कति वटा गाडी चलाउने भन्नेबारे यातायात व्यवसायी महासंघले केही दिनमा निर्णय गरि जानकारी आउने बताए ।
भौतिक पूर्वाधार तथा यातायात मन्त्रालयले यस अघि आयोजना गरेको बैठकमा घटस्थापना अगाडि नै सडकका खाल्डाखुल्डी पुरेर सुरक्षित पार्ने, चाडपर्व पछि भाडा समायोजन गर्ने सहितका सहमति भई अग्रिम टिकट बुकिङ खुलाउने निर्णय भएको थियो ।
