दाङ ,असोज -२० l संस्थागत विद्यालयको छाता संगठन नेसनल प्याब्सन ( एन प्याब्सन) दाङद्वारा बिजया दशमी , शुभ दिपावली तथा छठ पर्वको सु- अवसरमा शुभकामना आदान- प्रदान कार्यक्रम लमहीको सिद्दार्थ होटेल लमहीमा सप्पन्न गरिएको छ l
एनप्याब्सन दाङ जिल्लाका अध्यक्ष भोजराज न्यौपानेको अध्यक्षता ,लुम्बिनी प्रदेश सरकार उद्योग, पर्यटन तथा यातायात मन्त्री मा. प्रचण्ड विक्रम न्यौपानेको प्रमुख आतिथ्य र एन प्याब्सन राष्ट्रिय उपाध्यक्ष सुबोध डाङ्गी तथा एनप्याब्सन केन्द्रीय सदस्य प्रकाश कुमार शर्माको बिशिष्ठ आतिथ्यमा सम्पन्न कार्यक्रममा, लुम्बिनी प्रदेश सचिब टोपेन्द्र खनाल , सह- कोषध्यक्ष नरेश आचार्य , सदस्य केपी न्यौपाने , नेसनल प्याब्सन दाङका सल्लाहकार विक्रान्त ज्ञवाली, नेसनल प्याब्सन दाङका निवर्तमान जिल्ला उपाध्यक्ष भुमाण्डप केसी एवम् स्थानिय पालिका दाङका संयोजकहरु लगायत संगठनमा आवद्ध विद्यालयका प्रधानाध्यापकहरु, सञ्चारकर्मीहरु लगायतको उपस्तिथि रहेको थियो ।
संगठनका वरिष्ठ जिल्ला उपाध्यक्ष ठाकुर प्रसाद डाङ्गीको स्वागत मन्तब्यबाट सुरु भएको कार्यक्रममा बोल्दै मन्त्री न्यौपानेले हाम्रो देशमा शैक्षिक अवस्थाको प्रगती हुनुमा निजि विद्यालय ठूलो योगदान रहेको बताउनु भएको छ।
कार्यक्रममा देउखुरीको लमही स्थित गुरुकुल एकेडेमी र राजपुर -६ स्थित बुद्द किरण ई. बो. स्कुललाई नयाँ सदस्यता प्रदान गरिएको छ ।
गुरुकुल एकेडेमी प्राली यस अघि साविकको नाममा प्याब्सनमा आवद्दता रहेको र बुद्ध किरण स्कुल कुनै संगठनमा आवद्द नभएको पाइएको छ ।
एन प्याब्सन दाङका सचिब सालिकराम कार्कीद्वारा संचालन गरिएको कार्यक्रममा उपस्तिथ सम्पुर्णका बिच बिजयादशमी ,शुभ दिपावली तथा छठ पर्वको उपलक्ष्यमा शुभकामना आदानप्रदान भएको थियो ।
