टोपेन्द्र खनाल / असार-२७, शुक्रबार ।राष्ट्रिय निजि संस्थागत विद्यालयको छाता संगठन नेसनल प्याब्सन (एनप्याब्सन) लुम्बिनी प्रदेश कमिटीको बैठक आज दाङ जिल्लाको लमहीमा सम्पन्न भएको छ ।
एनप्याब्सन लुम्बिनी प्रदेश कमिटीका अध्यक्ष डिल्लीराम काफ्लेको अध्यक्षतामा सम्पन्न भएको बैठकले एनप्याब्सन लुम्बिनी प्रदेश कमिटीका अध्यक्ष कुबेर बस्नेतले आफ्नो जिम्मेवारी उपाध्यक्ष डिल्लीराम काफ्लेलाई सुम्पिदै केन्द्रिय कोषाध्यक्ष पदमा चयन भएकोप्रती र एनप्याब्सन लुम्बिनी प्रदेश कमिटीका सह- कोषाध्यक्ष नरेश आचार्य र सह- सचिव जीत बहादुर क्षेत्री केन्द्रीय सदस्य पदमा चयन भएकोमा निजहरुलाई प्रदेश कमिटीको तर्फबाट हार्द्दिक धन्यवाद ज्ञापन गर्दै सफल कार्यकालको शुभकामना व्यक्त गरेको छ भने एनप्याब्सन लुम्बिनी प्रदेशको अधिवेशन २०८२ साल भाद्र २० र २१ गते दाङ जिल्लाको लमहीमा सम्पन्न गर्ने निर्णय गरेको छ ।उक्त अधिवेशनको अवसर पारी शैक्षिकसत्र २०८१ मा एसईई उत्कृष्ट जिपिए प्राप्त विद्यार्थीलाई सम्मान गर्ने निर्णय गरेको छ ।
यसैबीच नेसनल प्याब्सन लुम्बिनी प्रदेश कमिटीका सदस्य सुर्यनाथ दास पटेलकी ममतामयी माता दुर्गादेवी पटेलको २०८२ जेष्ठ १० गते भएको असमायीक दु:खद निधनप्रती गहिरो दु:ख प्रकट गर्दै मृतकप्रती हार्दिक भावपुर्ण श्रद्धाञ्जली अर्पण गर्दै परिवारजनमा समवेदना प्रकट गरेको निर्णय पारित गरेको छ ।
