दाङ । दाङ जिल्ला तुलसीपुर उपमहानगरपालिका-५ गुल्मचौकमा सोमबार टिप्पर र मोटरसाइकल ठोक्किँदा गम्भीर घाइते भएका बाबुछोराको मृत्यु भएको छ ।
दुर्घटनामा लमही नगरपालिका-५ निवासी ३५ वर्षीय मनोज नेपाली र उनका ५ वर्षीय छोरा मिनराज नेपाली गम्भीर घाइते भएका थिए ।
दुवैलाई थप उपचारका लागि नेपालगञ्ज मेडिकल कलेज पठाइएकोमा चिकित्सकले मृत घोषणा गरेका हुन् ।
घटनामा मनोजकी श्रीमती ३४ वर्षीया अनुषा नेपाली सामान्य घाइते भएकी छन् ।
तुलसीपुरबाट घोराहीतर्फ आउँदै गरेको रा ४ प ३३९० नम्बरको मोटरसाइकललाई बाटो क्रस गर्दै गरेको रा १ ख २१९२ नम्बरको टिप्परले ठक्कर दिएको थियो । टिप्पर र चालक शान्तिनगर गाउँपालिका-३ निवासी ३९ वर्षीय शेरबहादुर थापा प्रहरीको नियन्त्रणमा रहेको जिल्ला प्रहरी कार्यालय दाङले जनाएको छ ।
