तुलसीपुर, २९ साउन । दाङ तुलसीपुर टरिगाउँ हरिपौरी खानेपानी उपभोक्ता तथा सरसफाइ समितिको नयाँ नेतृत्व चयनका लागि तीन दल चुनावी मैदानमा उत्रिएका छन् । भदौ ६ गतेहुने निर्वाचनमा नेपाली काँग्रेस र नेकपा माओवादीको संयुक्त प्यानल रहेको छ भने नेकपा एमाले र रास्वपा अलग अलग ( एक्लाएक्लै) चुनावी मैदानमा छन् ।
नेपाली काँग्रेस र नेकपा माओवादीको संयुक्त प्यानलबाट अध्यक्षमा डिल्ली बहादुर बस्नेत, उपाध्यक्ष डिला केसी, सचिव हरिचरण चौधरी, कोषाध्यक्ष श्याम कुमार आचार्य, सदस्यहरुमा हेमबहादुर बस्नेत, पूर्ण बहादुर वली, गजाधर चौधरी, तुलसी केसी, र सावित्रा भण्डारी (खडका) रहेका छन ।
एमालेबाट अध्यक्ष देबहादुर डाँगी, उपाध्यक्ष कमला खत्री, सचिव खगेन्द्र अधिकारी, कोषाध्यक्ष खोपीराम डाँगी, सदस्यहरुमा प्रचण्ड अधिकारी, सत्यराम चौधरी, केदार नेपाली, शिला दहाल (खत्री) र कालिका पाण्डे रहेका छन् ।
त्यसैगरी रास्वपाबाट शरद वली, उपाध्यक्ष मोतिकला वली, सचिव टंक नेपाली, कोषाध्यक्ष चुर्ण बहादुर चौधरी, सदस्यहरुमा भेषराज आचार्य (सुनिल) बोधराज बस्नेत (गोरी) अशोक कुमार शर्मा, पार्वती अधिकारी, (बिसी) र सिता नेपाली रहेका छन् ।
३ वटै दलले आज आ-आफना उम्मेदवारहरुको नाम दर्ता गराएका छन् । मतदान भदौ ६ गते बिहाने ८ बजेदेखि दिउँसो २ बजेसम्म संचालन हुने निर्वाचन समितिका संयोजक पुष्कर भण्डारीले जानकारी दिए । ९ सदस्य कार्य समितिका लागि तीन दलबाट २७ जनाको उम्मेदवारी परेको छ । खोपानी आयोजना क्षेत्रमा ७ सय १४ जना मतदाता संख्या रहेका छन् । चुनावी मैदानमा उत्रिएकाहरुले आँफुहरु पार्टीको चुनाव चिन्ह लगेर नगएपनि पार्टीको समर्थन भने रहेको बताउँछन् ।
