दाङ ,राजपुर/ माघ-७ । “संस्थागत विद्यालय समन्वय समिती राजपुर”को आयोजनामा बसन्तपञ्चमी (सरस्वती पूजा) को अवसरमा राजपुर गाउँपालिका-५ जङ्रहवा र राजपुर-२ बेला चोकमा जेब्रा क्रसिङ बनाउने कार्य सम्पन्न गरिएको छ ।
दाङ देउखुरीको राजपुर गाउँपालिकामा रहेको संस्थागत विद्यालय समन्वय समिती राजपुरका अध्यक्ष टोपेन्द्र खनालको अध्यक्षता, राजपुर-५ जङ्रहवा निवासी स्थानीय समाजसेवी भोगेन्द्रसिङ राजपुतको प्रमुख आतिथ्यमा कार्यक्रम सम्पन्न भएको हो ।
संस्थागत विद्यालय समन्वय समितिका सचिव युवराज केसीद्वारा संचालित कार्यक्रममा अस्थायी ट्राफिक प्रहरी पोष्ट गढवाका अर्विन चौधरी , अस्थायी प्रहरी पोष्ट चङुवाका प्रदेशु चौधरी, समाजसेवी भुपेन्द्र ओली , राजपुर-२ का वडा सदस्य गणेश चौधरी , समितीका सदस्य उमा भण्डारी, उमाकान्त यादव, सदस्य विद्यालयका शिक्षक, विध्यार्थी लगायतको उपस्थिति रहेको कार्यक्रममा बोल्दै प्रमुख अतिथी राजपुतले यो कार्य निकै राम्रो भएको बताए।
बसन्तपञ्चमीको अवसर पारी सामाजिक कार्य गरिएको समितीका अध्यक्ष टोपेन्द्र खनालको भनाई रहेको छ । राजपुर गाउँपालिकामा रहेका चार संस्थागत विद्यालय फेमिली प्याराडाईज इ. बो. स्कुल (मटेरिया), देउखुरी ग्रीन ल्याण्ड इ.बो. स्कुल (बेला), राजपुर हिमालय इ. बो. स्कुल(चङ्गुवा) र बुद्द किरण इ. बो.स्कुल( गङदी) को आर्थिक लगानीमा कार्य सम्पन्न भएको हो ।
