काठमाडौं । हिन्दु धर्मावलम्बीहरुको महान चाड बडादशैं आजदेखि सुरु भएको छ। दशैंको पहिलो दिनका रूपमा मानिने घटस्थापनाका अवसरमा देशभर घर–घरमा देवी दुर्गाको प्रतीकस्वरूप जमरा राख्ने कार्य धमाधम भएको छ।
बिहानै स्नान गरी शुद्ध भई पूजाघरमा विधिपूर्वक घटस्थापना गरिएको छ। माटोको भाँडामा जौ छरेर जमरा उमार्ने चलन छ, जुन विजयादशमीको दिन टिका–प्रसादसहित धारण गर्ने परम्परा रहेको छ।
यससँगै आजदेखी नवरात्रि पर्वको सुरुवात भएको छ। आजदेखि नवदुर्गा देवीको विशेष आराधना प्रारम्भ हुने र आगामी नौ दिनसम्म विभिन्न शक्तिपीठ र मन्दिरहरूमा भक्तजनहरूको ठूलो भीड लागेको पाइएको छ।
यस दिनलाई धार्मिक, सांस्कृतिक र पारिवारिक मिलनको सुरुवातका रूपमा लिइन्छ।
यस अवसरमा सरकारले देशभर सार्वजनिक बिदा प्रदान गरेको हो।
