दाङ देउखुरी । राप्ती गाउँपालिकाका अध्यक्ष प्रकाश विष्टले संस्कार,संस्कृति र पहिचान सहितको व्यावहारिक शिक्षा आजको आवश्यकता भएको बताएका छन् ।
सोमबार राप्ती गाउँपालिका-२ लालमटियास्थित मुनलाईट सेकेन्डरी इङ्लिस स्कुलले यही मंसिर १० गते आयोजना गरेको वार्षिकोत्सव कार्यक्रमलाई सम्बोधन गर्दै उनले संस्कार र व्यावहारिक शिक्षाको अभावले समाज र व्यक्तिको दिगो प्रगति सम्भव नहुने धारणा राखे । “शिक्षाले केवल परीक्षा पास गर्न मात्र होइन, जीवनका चुनौती सामना गर्न र सफलतापूर्वक समाधान गर्न पनि सहयोग गर्नुपर्छ,” उनेले भने ।
