दाङ देउखुरीको राजपुरमा खोला स्तरीय “खेलकुद समाज राजपुर ” नामक समिति गठन :

दाङ देउखुरी । दाङ देउखुरीको राजपुर गाउँ पालिकामा रहेका खोला स्तरका सम्पुर्ण सामुदायिक विद्यालयहरु सहभागी हुने गरि “खोला स्तरीय खेलकुद समाज राजपुर – देउखुरी दाङ” समिति गठन गरिएको छ ।

यही मंसिर -२५ गते रामेश्वरी बाल जनता आधारभूत विद्यालय राजपुर -१ रसरीखोलाका अध्यक्ष लक्ष्मण पुनको अध्यक्षतामा बैठक बसी उक्त समिती गठन गरिएको पाईएको छ ।
गठित समितिको अध्यक्षमा मस्तराम यादव ,उपाध्यक्षमा दिपेन्द्र कुमार शुक्ला , कोषाध्यक्षमा दिपा वली , सचिबमा दिल बहादुर शाही, सह-सचिबमा मेघराज वली , सदस्यहरुमा गोकुल प्रसाद यादव, जोगराज यादव, लाल बहादुर वली तथा गिरिराज खडका रहेका छन् !

राजपुर गाउँपालिका अन्तर्गत खोला क्षेत्रमा पर्ने ९ वटा सामुदायिक विद्यालयका प्रअ तथा विव्यस अध्यक्षहरुको उपस्तिथिमा बसेको बैठकले समिती गठन , नामाकरण , बिधान मस्यौदा उप- समिती गठन, आगामी बैठक , आर्थिक सहयोग माग तथा सहभागी विद्यालयहरुको नामावलीका सम्बन्धमा गरि पाँच वटा प्रस्तावहरुमाथी निर्णय पारित गरेको छ ।